Luk 15 | TPZ | STEP | A ma teß kokon takis me a ma teß nonok vahat to huk vatet ee manuh pe Ieesuß pa pënton a soe peß.

Luke 15

E Ieesuß To Vakum Me A Nap Hat

Matiu 18:12-14

1 A ma teß kokon takis ^{▼▼O teß kokon takis, eße a nap kakaveo, suk eße to kokon oah ne a ma teß moniß pee pa moniß rakah nee se kon.} me a ma teß nonok vahat to huk vatet ee manuh pe Ieesuß pa pënton a soe peß. 2 Ka ma Parësiß, me o teß vavaasis to nat ne o Vavaasis pe Mosës to vaato vaheheve e ne pan, “A teß vaßih to vakamöß me non a ma teß nonok vahat, pareß vavaëën me non raoe.”

A Soe Vapipinoß Va Pa Sipsip To Ro

3 Ivëh, ke Ieesuß heß raoe a soe vapipinoß vëh, 4 “Ta pah teß topnineöm se keh teß me non a 100 sipsip ka paeh se keh ro, e tövaneah pa ma sipsip se këh en pa 99 sipsip to ënëën ne, pareß nö en pa vaiu a paeh sipsip vëh to ro, keß onöt rakah a ö neß se taum poan. 5 O poen neß to taum hah poan, eß to vatok poan pa koßkoneah, pareß vaeö rakah, pareß teß hah en peß manuh pa ö no 99 sipsip to teß vavih ne. 6 Ko tavus en iuun peß, pareß vaoe a ma vakamöß me a ta vöön peß, kee tönun maß, keß soe ke raoe pan, ‘Eöm se vaeö me a neoß. A pah sipsip peöß to ro köß vaiu eah, paröß taum hah eoß peß.’ 7 Eöß to soe ka neöm, “Kuru vëh manuh pa vöön va kin, ee to vaeö e ne po 99 teß totoopin to hikta teß me ne ta ma taateß hat nee se panih suk. Ivëhkëk, ta pah teß nonok vahat se keh panih a ma taateß hat peß, a, o vaeö apuh oah se tavus manuh pa vöön va kin.”

A Soe Vapipinoß Va Pa Moniß To Ro

8 “Ta pah köövo se keh teß me non a K10.00 ka K1.00 ^{▼▼Manih pa muhin va Israël, a napan to kokon ne a drakmaß, eß o voen va pa kiu pa pah potan.} ro, eß se vëkrea o ram, pareß vavaiu koman a iuun pareß epep vavih, keß onöt rakah a ö neß se taum hah a moniß vëh to ro. 9 O poen neß to taum hah poan, eß se vaoe a ma vakamöß me a ta vöön peß, kee tönun maß, keß soe ke raoe pan, ‘Eöm se vaeö me a neoß. A moniß peöß to ro voh, ivëhkëk, eöß to taum hah eoß peß.’ 10 Eöß to soe ka neöm, kuru vëh manuh pa vöön va kin a ma ankeroß pe Sosoenën to vavaeö ne sih a pah teß nonok vahat to panih a ma taateß hat peß, ko tarih hah maß pe Sosoenën.”

A Soe Vapipinoß Va Pe Koaß Sekaß To Këh E Tamaneah

11 Ke Ieesuß vavaato avoeß e non, pareß soe pan, “A pah teß to teß me non a poa koaß oeteß. 12 Ka vapöök koaß soe ke tamëëre pan, ‘Tamön, eöß to koman noß a ma tah kurus nën to iu ki vakëh ka no möm a poa tom kea. A papan peöß sën heß eöm peöß kuru. Ke tamëëre ki vakëh ken pee pa ma tah kurus peß manih pee pon. 13 Keß hikta teß varë, ke vapöök koaß ununun a ma tah kurus peß, pareß nö en ko teß e non maß pa meh muhin. Eß to teß non pa muhin pamëh, pareß pah vi vahik en pa ma moniß peß, pa ma taateß hat vatösoe neß to nonok non. 14 Eß to vi vahik rakah en pa ma tah peß, ko maë apuh tavus pa muhin pamëh, keß hikta teß rakah me non ta moniß seß voen ta taëën, me ta tah ohop, pareß pah mamaë rakah e non. 15 Ivëh, keß nö pareß kiu non pa pah teß va pa muhin pamëh. Ka teß vanö en peß manuh pa matop o pus kuß peß. 16 O kuß to ënëën ne sih a ma voaß pin, keß pah iu rakah e non pa ëën a ma kap pin ëën këh po kuß. Ivëhkëk, a hikta pah teß to heß poan a taëën neß se ëën.

17 Ka varuß vamanih, eß to kokoman vörep en pa ö neß to teß vahat va non, pareß soe hah kea pan, ‘A ma teß kikiu pe tamön to teß me ne pa ma taëën peo rakah. Ivëhkëk, eöß to teß noß manih, paröß pah mamaë rakah e noß. 18 Eöß se nö hah eöß manuh pe tamön, paröß soe keah pan, ‘Tamön, eöß to nok a hat manih pe Sosoenën me manih pën. 19 Eöß to hikta teß noß a teß vih to onöt noß a ö nën se pokaß a neoß e koaß pën. Eën se vateß va ka neoß manih pa teß kikiu pën.’ 20 Keß sun ko nö hah en manuh pe tamaneah.

Ivëhkëk, eß to teß varo avoeß këh e non maß pa vöön ke tamaneah ep in na poan. E tamaneah to pah uruan vörep en peß, ko vaeö, pareß vaveo ko not poan, pareß umaß en peß. 21 Ke koaß soe ke tamaneah pan, ‘Tamön, eöß to nok voh a hat manih pe Sosoenën me manih pën. Eöß to hikta teß vih onöt noß a ö nën se pokaß a neoß e koaß pën.’

22 Ivëhkëk, e tamaneah soe ke a ma teß kikiu peß pan, ‘Eöm se kon maß o ohop rë vih oah peöß, paröm teß ohoß maß, paröm ohop eah. Paröm vahoß a pë manih pa koreneah, ko ohop eah pa suß. 23 Paröm nö ko teß maß a purmakaöß sekaß vëh a vusvus, paröm ip vamët. Ka se ëën para vaeö rakah. 24 Suk e koaß peöß vëh to mët voh en, ivëhkëk, eß to toß hah en. Eß to ro voh en, ivëhkëk, ea to taum hah ee peß.’ Ivëh, kee nok ee po vaënëën.

25 Ivëhkëk, e koaß vamomoaan to teß no maß pa rak. Eß to hah maß, ko öök vatët maß iuun, pareß tënan a napan to vaeö ne po pinoß. 26 Pareß vaoe na a pah teß kikiu pareß hi poan, ‘Eße nonok ne ataeah?’ 27 Ka teß kikiu soe ke poan pan, ‘E kea pën to hah en maß, ke tamëneöm ip a purmakaöß sekaß vusvus, suk eß to taum hah en pe koaß to teß toßtoß e non to hikta ro voh.’

28 Ivëhkëk, e koaß vamomoaan to pah heve rakah en, ko hikta iu ho non manuh iuun. Ke tamaneah tavus maß, pareß heß poan a soe vih pa vöknah o heve peß, ko keh vakis rakah en peß pan, eß se ho maß. 29 Ivëhkëk, e koaß to piun a soe pe tamëëre pareß soe pan, ‘Pa ma kirismas peo rakah nöß to matop voh noß a kiu pën, vamanih pa teß kikiu akuk. Eöß to hikta pënton varo voh a oah. Ivëhkëk, eën to hikta heß voh a neöß ta pah soneß meemeß, köß se ëën vaeö me voh a ma vakamöß peöß, ahik rakah. 30 Ivëhkëk, e siß koaß pën to vahik voh en maß pa ma tah kurus pën manih po köövo teßteßvaasiß. Pareß hah maß, kën uruan eah parën ip keah a purmakaöß sekaß vusvus rakah na to teß me no.’

31 Ke tamëëre soe ke poan pan, ‘Koaß peöß, a ma tamoaan voh ne ea to teß vaßpeh e no. Ka ma tah kurus peöß, eße a ma tah pën. 32 Ivëhkëk, kuru ea se vaeö ko kokoman pea se teß vavih rakah non. Suk e kea pën vaßih to mët voh en, ivëhkëk, kuru eß to toßtoß hah en. Eß to ro voh en, ivëhkëk, kuru ea to taum hah ee peß.’”